محمد عبد المطلب - الدبلتين والاسورة



الدبلتين والاسورة
تسلم ايدين اللي اشترى
الدبلتين والإسوره
تسلم .. تسلم .. تسلم .. تسلم
تسلم ايدين اللي اشترى

انا لما دريت من فرحتي جيت
وحأقدم من عندي هديه
دستة مناديل منظرها جميل
مع تحفه من الورد وصيه
وعلى الأرغول راح اغني واقول
تسلم .. تسلم .. تسلم .. تسلم
تسلم ايدين اللي اشترى

راح اجيب عقدين وسبع فساتين
وعشر ورقات حنه وسكر
وحأقيد النور في طاقات بنور
حوالين الابواب احمر واخضر
وعلى الأرغول راح اغني واقول
تسلم .. تسلم .. تسلم .. تسلم
تسلم ايدين اللي اشترى

اسعد قلبين صبحم عريسين
والسعد منور على بابهم
زغرتوا يا بنات وانتوا يا ستات
فرقوا شربات كتب كتابهم
وعلى الأرغول راح اغني واقول
تسلم .. تسلم .. تسلم .. تسلم
تسلم ايدين اللي اشترى


كلمات:عبداللطيف البسيوني
ألحان:محمود كامل


Commenti

Posta un commento